3 ພະຍາດ ທີ່ຫົວຜັກທຽມສາມາດປ້ອງກັນໄດ້
ຫົວຜັກທຽມ ເປັນພືດຢາພື້ນເມືອງທີ່ຖືກນຳມາໃຊ້ເປັນທັງອາຫານ ແລະ ຢາມາຫຼາຍສິບພັນປີ ແນ່ນອນວ່າເມື່ອແຕ່ລະຄົນເກີດມາ ກໍຈະໄດ້ຮູ້ຈັກວ່າຫົວຜັກທຽມຖືກນຳມາໃຊ້ເປັນສ່ວນປະກອບຂອງອາຫານແລ້ວ. ໃນປັດຈຸບັນນີ້ ຫົວຜັກທຽມຖືກນຳມາໃຊ້ໃນການປ້ອງກັນພະຍາດຮ້າຍຫຼາຍຢ່າງດ້ວຍກັນ ເຊັ່ນ:ຊ່ວຍຫຼຸດໄຂມັນ , ຫຼຸດຄວາມດັນຂອງເລືອດ ແລະ ສົ່ງເສີ່ມໃຫ້ລະບົບພູມຄຸ້ມກັນໃຫ້ດີຂຶ້ນ.
ຫົວຜັກທຽມມີສານທີ່ຕ້ານອະນຸມູນອິສະຫຼະ (Antioxidants) ເຊິ່ງອະນຸມູນອິສະຫຼະ (free radicals) ມີບົດບາດສຳຄັນຕໍ່ການເຮັດໃຫ້ຄົນ “ເຖົ້າແກ່” ໄວຂຶ້ນ ແລະລວມໄປເຖິງການເຮັດໃຫ້ເກີດພະຍາດໄດ້ຢ່າງຫຼວງຫຼາຍ ລວມເຖິງພະຍາດຫົວໃຈ ແລະມະເຮັງ. ຫົວຜັກທຽມຍັງສາມາດທຳລາຍອະນຸມູນອິດສະຫຼະ ເຊິ່ງເປັນຕົວເຫດທີ່ສາມາດທຳລາຍເຫຍື່ອຫຸ້ມເຊວ (cell membranes) ແລະ DNA ໄດ້ດີ.
ພະຍາດຕ່າງໆ ທີ່ຫົວຜັກທຽມສາມາດປ້ອງກັນໄດ້ຄື:
- ພະຍາດຫົວໃຈ (Heart disease)
ມີຫຼັກຖານບາງຢ່າງສະໜັບສະໜູນວ່າ ຫົວຜັກທຽມອາດປ້ອງກັນບໍ່ໃຫ້ເກີດພະຍາດຫົວໃຈໄດ້ ໂດຍອາດຫຼຸດການເກີດເສັ້ນເລືອດແຂງ (artherosclerosis) ແລະສາມາດຫຼຸດລະດັບຄວາມດັນລົງໄດ້ປະມານ (ລະຫວ່າງ 7% ຫາ 8%).
ການສຶກສາເປັນເວລາດົນເຖິງ 4 ປີ ໃຊ້ຫົວຜັກທຽມ 900 ມິນລີກຼາມທຸກມື້ ປະກົດວ່າມັນສາມາດຫຼຸດການເກີດຂອງເສັ້ນເລືອດແຂງໄດ້.
ນອກຈາກນັ້ນ, ຫົວຜັກທຽມຍັງເປັນສານຕ້ານການຈັບຕົວເປັນກ້ອນຂອງເລືອດ ດ້ວຍການເຮັດໃຫ້ເມັດເລືອດບາງລົງອາດປ້ອງກັນບໍ່ໃຫ້ເກີດພາວະຫົວໃຈຂາດເລືອດ (heart attack) ຫຼື ສະໝອງຂາດເລືອດ (stroke)
ສ່ວນຜົນທີ່ມີຕໍ່ໄຂມັນນັ້ນ ຈາກການສຶກສາໃນຄັ້ງທຳອິດພົບວ່າມັນສາມາດຫຼຸດລະດັບຂອງຄໍເລັດເຕີລໍໃນເລືອດໄດ້ ແຕ່ຜົນຈາກການສຶກສາໄລຍະມໍ່ໆນີ້ ປະກົດວ່າ ຫົວຜັກທຽມບໍ່ມີຜົນຕໍ່ການຫຼຸດລະດັບໄຂມັນດັ່ງກ່າວໄດ້.
- ໄຂ້ຫວັດ (Common cold)
ຈາກຜົນການສຶກສາໃນໄລຍະທຳອິດພົບວ່າ ຫົວຜັກທຽມສາມາດຊ່ວຍປ້ອງກັນພະຍາດຫວັດໄດ້ ໂດຍມີການສຶກສາປຽບທຽບການໃຊ້ຫົວຜັກທຽມໃນໄລຍະທີ່ເປັນຫວັດລະບາດ ຜົນປະກົດວ່າຄົນທີ່ກິນຜັກທຽມຈະເປັນຫວັດໄດ້ໜ້ອຍກວ່າຄົນທີ່ບໍ່ກິນຜັກທຽມເລີຍ. ນອກຈາກນັ້ນ, ໃນລະຫວ່າງເປັນຫວັດຜັກທຽມສາມາດເຮັດໃຫ້ອາການເປັນຫວັດດີໄວຂຶ້ນ.
- ພະຍາດມະເຮັງ (Cancer)
ຫົວຜັກທຽມເຮັດໃຫ້ລະບົບພູມຕ້ານທານໃຫ້ແຂງແຮງຂຶ້ນ ສາມາດຊ່ວຍໃຫ້ຕໍ່ສູ້ກັບພະຍາດມະເຮັງໄດ້ ໂດຍຜົນຈາກຫ້ອງທົດລອງ.
ຜົນຈາກການສຶກສາທົດລອງໃນກຸ່ມຄົນເປັນໄລຍະເວລາອັນຍາວນານ ພົບວ່າ ກຸ່ມຄົນທີ່ກິນຜັກທຽມສົດ ຫຼື ຫົວຜັກທຽມທີ່ປຸງແຕ່ງໃນອາຫານເຮັດໃຫ້ມີພູມຕ້ານທານບໍ່ໃຫ້ເກີດເປັນມະເຮັງ ໂດຍສະເພາະມະເຮັງຂອງລຳໄສ້ໃຫຍ່(colon) ແລະມະເຮັງກະເພາະອາຫານ (CA stomach).
ไม่มีความคิดเห็น:
แสดงความคิดเห็น