ເຖິງແມ່ນວ່າ ຈະນອນດຶກແຕ່ມີວິທີເຮັດໃຫ້ຕື່ນເຊົ້າໄດ້ ພຽງແຕ່ເຮັດແບບນີ
ຕັ້ງໂມງປຸກກ່ອນເວລາປົກກະຕິປະມານ 15 ນາທີ
ຈາກທີ່ເຄີຍຕັ້ງໄວ້ໃຫ້ປຸກ 06.00 ນາທີ. ລອງປັບເວລາຕັ້ງປຸກໃໝ່ເປັນ 05.45 ນາທີ. ຢ່າງນ້ອຍຫາກຍັງຕິດນິໄສມັກນອນອ້ອຍອິ່ງເທິງຕຽງຫຼັງຈາກປິດໂມງປຸກໄປແລ້ວ ກໍຍັງພໍມີເວລາໃຫ້ຕື່ນມາທັນເວລາ 06.00 ນາທີ. ຕາມທີ່ຕັ້ງໃຈໄວ້ແຕ່ທຳອິດ
ວ່າແທ້ໆ ຫາກບໍ່ຈຳເປັນກໍບໍ່ແນະນຳໃຫ້ໃຊ້ວິທີນີ້ ເພາະມີງານວິໄຈພົບວ່າການກົດເລື່ອນໂມງປຸກ ສ່ຽງສະມາທິສັ້ນ ຄວາມຈຳກໍບໍ່ດີອີກ
ລຸກທັນທີທີ່ສຽງໂມງປຸກດັ່ງ
ສຳລັບຄົົນທີ່ມັກຈະນອນເພີນຈົນລືມເວລາສະເໝີ ອີກໜຶ່ງທາງທີ່ຈະຊ່ວຍໃຫ້ເຈົ້າຕື່ນເຊົ້າໄດ້ຢ່າງທີ່ຫວັງກໍຄົງຕ້ອງຕື່ນທັນທີທີ່ໄດ້ຍິນສຽງໂມງປຸກ ທີ່ສຳຄັນຢ່າແຕ່ນອນຄິດຂໍ້ອ້າງແລະຫ້າມນອນຕໍ່ແມ່ນແຕ່ວິນາທີດຽວ
ວາງໂມງປຸກໃຫ້ຫ່າງຈາກຕຽງ
ໄລຍະຫ່າງຂອງໂມງປຸກກັບຕຽງນອນຄວນໄກຫລາຍພໍຈະເຮັດໃຫ້ເຮົາຕ້ອງລຸກແລະຍ່າງໄປປິດ ໂມງປຸກທີ່ສົ່ງສຽງໄດ້ ຊຶ່ງການທີ່ໄດ້ລຸກຈາກທີ່ນອນນີ້ແຫຼະທີ່ຈະເຮັດໃຫ້ຮ່າງກາຍຕື່ນໄດ້ປະມານໜຶ່ງ ຫຼັງຈາກນັ້ນຈະເລືອກກັບໄປນອນຕໍ່ຫລືເລີ່ມກິດຈະກຳຂອງມື້ໃໝ່ ກໍລອງຖາມໃຈຕົວເອງເບິ່ງ
ປິດພັດລົມ ປິດແອຫລືປັດຜ້າຫົ່ມອອກຈາກຕົວ
ປະຕິເສດໄດ້ບໍວ່າການໄດ້ນອນໃນອາກາດເຢັນໆ ມັນສະບາຍຢ່າງບອກບໍ່ຖືກແລະນີ້ແຫຼະປັດໄຈສຳຄັນທີ່ເຮັດໃຫ້ເຮົານອນຕື່ນສວາຍມາຫຼາຍເທື່ອ ສະນັ້ນຖ້າຢາກຕື່ນເຊົ້າຕ້ອງຍອມຕັດໃຈ ລຸກມາປິດພັດລົມ ປິດແອ ພ້ອມກັບຕອນທີ່ໂມງປຸກກໍໄດ້ຫລືໃນວັນທີອາກາດໜາວໆ ເຢັນໆ ຈັດການປັດຜ້າຫົ່ມອອກຈາກຕົວ ໃຫ້ເຮົາຮູ້ສຶກຮ້ອນຫລືໜາວເກີນຈະນອນຕໍ່ໄດ້ອີກ
ເປີດຜ້າມ່ານໃຫ້ແສງແດດສ່ອງເຂົ້າມາໄດ້
ນີ້ກໍເປັນວິທີທີ່ໄດ້ຜົນກັບຫຼາຍຄົນມາແລ້ວ ໂດຍກ່ອນຈະເຂົ້ານອນໃຫ້ເຈົ້າກຽມເປີດປ່ອງຢ້ຽມຫ້ອງນອນຖິ້ມໄວ້ ຍິ່ງໃນຕຳແໜ່ງທີ່ກົງກັບຕຽງນອນໄດ້ຈະຍິ່ງດີ ເພາະເມື່ອແສງແດດຍາມເຊົ້າສ່ອງເຂົ້າມາ ຄວາມສະຫວ່າງຈະໄດ້ປຸກໃຫ້ເຮົາຕື່ນໂດຍບໍ່ຕ້ອງເພິ່ງໂມງປຸກອີກ
ລຸກຂຶ້ນນັ່ງແລະຂະຢັບຮ່າງກາຍ
ຫາກການມືນຕາຕື່ນມັນຍາກເທົ່າໃດ ຢ່າງນ້ອຍກໍລຸກຂຶ້ນມານັ່ງແລ້ວສູບລົມຫາຍໃຈເຂົ້າປອດເລິກໆ 3-4 ເທື່ອ ແລ້ວລອງຂະຢັບແຂນ ແກວ່ງຂາ ເພື່ອປຸກຄວາມສົດຊື່ນໃຫ້ຮ່າງກາຍເບິ່ງຈັກເທື່ອເປັນແນວໃດ
ດື່ມນ້ຳຫຼັງຕື່ນນອນ
ລຸກຈາກຕຽງມາປຸ໊ບໄປທີ່ຫ້ອງຄົວ ຈາກນັ້ນເທນ້ຳມາດື່ມປະມານ 1 ແກ້ວເຕັມໆ ວິທີນີ້ນອກຈາກຈະຊ່ວຍປຸກໃຫ້ຮ່າງກາຍສົດຊື່ນ ສະຫມອງຕື່ນຕົວແລ້ວ ເຮົາຍັງຢາກໃຫ້ຮູ້ວ່າດື່ມນ້ຳຕອນເຊົ້າທັນທີທີ່ຕື່ນນອນດີແນວໃດ 15 ຂໍ້ນີ້ຄືຄຳຕອບ
ເຮັດໃຫ້ໄດ້ທຸກມື້
ຖ້າຢາກໃຫ້ວິທີເຮັດໃຫ້ຕື່ນເຊົ້າໄດ້ຜົນໃນໄລຍະຍາວ ສິ່ງທີ່ຕ້ອງເຮັດຄືໝັ່ນຝຶກຕົວເອງໃຫ້ຕື່ນເຊົ້າຢ່າງສະຫມ່ຳສະເໝີ ບໍ່ແມ່ນຕື່ນເຊົ້າໄດ້ຢູ່ພຽງແຕ່ມື້ສອງມື້ ຈາກນັ້ນກໍກັບໄປຕື່ນສວາຍຄືເກົ່າ ແບບນີ້ກໍເທົ່າກັບວ່າຕ້ອງເລີ່ມຕົ້ນຝຶກໃຫ້ຕົວເອງຕື່ນເຊົ້າໄດ້ຢ່າງສະບາຍໆ ໃໝ່ອີກເທື່ອ
ເຂົ້ານອນໄວຂຶ້ນກວ່າເກົ່າ
ການທີ່ຮ່າງກາຍໄດ້ພັກຜ່ອນຢ່າງພຽງພໍ ຈະເຮັດໃຫ້ສະຫມອງແລະລະບົບພາຍໃນຕ່າງ ໆ ພ້ອມຈະຕື່ນຕົວແລະເຮັດວຽກຕາມປົກກະຕິໄດ້ງ່າຍຂຶ້ນ ປົກກະຕິແລ້ວເຈົ້າເປັນຄົນນອນດຶກຢູ່ເປັນປະຈຳ ຢ່າງນ້ອຍເລັ່ງເວລານອນໃຫ້ໄວຂຶ້ນກວ່າເກົ່າຈັກ 30 ນາທີເປັນຕົ້ນໄປ ເພາະຫາກນອນດຶກຕື່ນເຊົ້າຕິດກັນເລື້ອຍໆ ອາດເຮັດໃຫ້ຮູ້ສຶກເພຍຫລາຍກວ່າປົກກະຕິໄດ້
ພະຍາຍາມຢ່າລັກຫຼັບລະຫວ່າງມື້
ໂດຍສະເພາະຫຼັງຈາກຕື່ນນອນມາແລ້ວ 7 ຊົ່ວໂມງ ການລັກຫຼັບໃນຊ່ວງເວລານີ້ຫລືໃນລະຫວ່າງມື້ອາດເຮັດໃຫ້ເຮົາບໍ່ຮູ້ສຶກງ່ວງນອນ ຈົນເຮັດໃຫ້ນອນດຶກໄດ້ ດັ່ງນັ້ນຫາກງ່ວງນອນຕອນກາງເວັນກໍຫາກິດຈະກຳອື່ນເຮັດແທນການງ່ວງຫຼັບດີກວ່າ
ຂອບໃຈhttp://kidork.com/
