ນັກຮຽນຂັ້ນປະຖົມ ແລະມັດທະຍົມ ຢູ່ ສ ປ ປ ລາວ ອ ອ່ ນພາສາລາວແລະຄະນີດສາດ

 

ຕາມຂ່າວສານ ຂປລ ໃຫ້ຮູ້ວ່າ ຜົນການປະເມີນຂະໜາດໃຫຍ່ຫລາຍຄັ້ງ ກ່ຽວກັບຜົນການຮຽນຂອງນັກຮຽນ ຢູ່ ສປປ ລາວ.

ໄດ້ສະແດງໃຫ້ເຫັນວ່າ ນັກຮຽນຂັ້ນ ປ3, ປ5 ແລະ ມ4 ມີຜົນການຮຽນຮູ້ພາສາລາວ ແລະ ຄະນິດສາດຂ້ອນຂ້າງຕໍ່າ, ເຊິ່ງໄດ້ສະແດງໃຫ້ເຫັນເຖິງຄວາມຈຳເປັນຢ່າງຮີບດ່ວນ ເພື່ອຮັບປະກັນວ່າ ພວກເຮົາຈະມີງົບປະມານພຽງພໍ ໃນການປັບປຸງຄຸນນະພາບການສຶກສາໃນຕໍ່ໜ້າ, ຂໍ້ມູນດັ່ງກ່າວໄດ້ລາຍງານໃນພິທີ ມອບ-ຮັບ ປຶ້ມຮຽນ, ປຶ້ມຄູ່ມືຄູ ແລະ ອຸປະກອນສຳລັບການຮຽນຮູ້ອື່ນໆ ໃຫ້ແກ່ກະ ຊວງສຶກສາທິການ ແລະ ກິລາ ໃນວັນທີ 22 ກຸມພາ 2021 ທີ່ນະຄອນຫລວງວຽງຈັນ.

ທ່ານ ພຸດ ສິມມະລາວົງ ຮອງລັດຖະມົນຕີ ກະຊວງສຶກສາທິການ ແລະ ກິລາ ແຈ້ງໃຫ້ຮູ້ວ່າ: ການລະບາດຂອງພະຍາດໂຄວິດ-19 ໄດ້ສະແດງໃຫ້ພວກເຮົາເຫັນວ່າ ໃນໂລກທີ່ປະເຊີນກັບວິກິດການໃນການຮຽນຮູ້ນີ້, ການຮຽນຮູ້ແບບດິຈິຕອນ ຄວນຈະເປັນການບໍລິການທີ່ຈຳເປັນໃນສປປ ລາວ, ອົງການຢູນິເຊັບ ຮ່ວມກັບ ສະຫະພາບເອີຣົບ ແລະ ກອງທຶນສາກົນເພື່ອການສຶກສາ ພວມສະໜັບສະໜູນກະຊວງສຶກສາທິການ ແລະ ກິລາ ສ້າງຕັ້ງແພລັດຟອມການສອນ ແລະ ການຮຽນຮູ້ແບບດິຈິຕອນ ເພື່ອໃຫ້ນັກຮຽນ, ຄູອາຈານ, ຄູສຶກສານິເທດ ແລະ ພະນັກງານການສຶກສາ ໄດ້ນຳໃຊ້, ໄດ້ສ້າງແອັບພລິເຄຊັນເທິງມືຖື ແລະ ປັດຈຸບັນພວມທົດ.ທ່ານ ພຸດ ສິມມະລາວົງ ກ່າວຕື່ມວ່າ: ການຊ່ວຍເຫລືອໄລຍະພະຍາດໂຄວິດ-19 ໃນຄັ້ງນີ້, ຖືວ່າໄດ້ທັນເວລາທີ່ສຸດ ຍ້ອນວ່າການໃຫ້ທຶນສະໜັບສະໜູນ ແມ່ນເປັນການຊ່ວຍຕື່ມເຕັມຊ່ອງຫວ່າງງົບປະມານຂອງການສຶກສາ, ຊຶ່ງງົບປະມານດັ່ງກ່າວ ໄດ້ຫລຸດລົງເນື່ອງຈາກຂໍ້ຈຳກັດດ້ານງົບປະມານ ແລະ ຄາດວ່າຈະຍັງຄົງສືບຕໍ່ ເນື່ອງຈາກຜົນກະທົບຂອງພະຍາດໂຄວິດ-19 ຕໍ່ດ້ານເສດຖະກິດ-ສັງ ຄົມຂອງປະເທດ. 

ການສະໜັບສະໜູນ ຈາກອົງການຮ່ວມມືສາກົນເພື່ອການສຶກສາ (GPE) ພ້ອມທັງການສະໜັບສະໜູນເພີ່ມເຕີມ ຈາກບັນດາຄູ່ຮ່ວມງານ ເຊັ່ນ: ອົດສະຕາລີ, ສະຫະພາບເອີຣົບ ແລະ ທະນາຄານໂລກ ແມ່ນມີຄວາມຈຳເປັນ ແລະ ສຳຄັນຫລາຍ ເພື່ອຫລຸດຜ່ອນຜົນກະທົບຂອງພະຍາດໂຄວິດ-19 ຕໍ່ຂະແໜງການສຶກສາ ແລະ ກິລາ.

ໂອກາດນີ້, ທ່ານ ນາງ Alice Albright ຜູ້ບໍລິຫານສູງສຸດຂອງ GPE ໄດ້ກ່າວວ່າ: ການສະໜັບສະໜູນຈາກກອງທຶນ GPE ເຮັດໃຫ້ເດັກນ້ອຍໄດ້ສືບຕໍ່ການຮຽນໃນລາວນັ້ນ ມີຄວາມສໍາຄັນຫລາຍໃນຕອນນີ້ເມື່ອທຽບກັບແຕ່ກ່ອນ. ຄອບຄົວ, ໂຮງຮຽນ ແລະ ລັດຖະບານ ກໍາລັງປະເຊີນກັບຄວາມຫຍຸ້ງຍາກ ໃນການຮັບມືກັບຜົນກະທົບຈາກການລະບາດຂອງພະຍາດ, ທຶນສະໜັບສະໜູນດັ່ງກ່າວ, ຈະຊ່ວຍຮັບປະກັນວ່າເດັກທຸກໆຄົນ ຈະກັບໄປຮຽນໄດ້ຢ່າງປອດໄພ.