ສາວໆທີ່ຢາກຫລຸດຄວາມອ້ວນ ແລະກຳລັງຫລຸດນໍ້າຫນັກທັງຫລາຍຈະຕ້ອງຈື່ຂໍ້ເຫລົ່ານີ້ໃຫ້ຂຶ້ນໃຈ ແລະປະຕິບັດໃຫ້ໄດ້ ເພາະຈະຊ່ວຍໃຫ້ສຸພາບສະຕີມີຮູບຮ່າງທີ່ສວຍ ງາມ.
1) ຫ້າມອົດ: ຢ່າໄປເຊື່ອວ່າການອົດອາຫານຈະເຮັດໃຫ້ເຈົ້າຈ່ອຍລົງໄດ້ ການທີ່ເຈົ້າອົດອາຫານບາງຄາບ ຈະເຮັດໃຫ້ລະບົບການເຜົາຜານພະລັງງານຂອງຮ່າງກາຍເຮັດວຽກໄດ້ຊ້າລົງ ຍິ່ງເຮັດໃຫ້ອັດຕາການເຜົາຜານໄຂມັນກໍ່ຫລຸດລົງເຊັ່ນກັນ, ອົດອາຫານກໍ່ມີແຕ່ຈະເມື່ອຍເປັນລົມທໍ່ນັ້ນ ແຕ່ບໍ່ຈ່ອຍລົງດອກ.
2) ຫ້າມເລື່ອນມື້ປ່ຽນວັນ: ຢ່າພະຍາຍາມຫາເຫດຜົນມາເລື່ອນມື້ປ່ຽນວັນ ຖ້າຢາກຮູບຮ່າງດີກໍ່ຄວນເລີ່ມລົງມືທັນທີ ແຕ່ກໍຄວນຄ່ອຍເປັນຄ່ອຍໄປ ແລະ ບໍ່ຄວນໃຈອ່ອນກັບຕົວເອງ ວັນຫນຶ່ງຂ້າງຫນ້າເຈົ້າກໍ່ຈະຈ່ອຍລົງໄດ້ແນ່ນອນ.
3) ຫ້າມໃຈຮ້ອນ: ການທີ່ຈະຫລຸດນໍ້າຫນັກສ່ວນເກີນລົງ ຍ່ອມເປັນເລື່ອງທີ່ເຮັດບໍ່ໄດ້ໃນໄລຍະເວລາພຽງຂ້າມຄືນ. ເຖິງວ່າເຈົ້າຈະບໍ່ສາມາດເຮັດໃຫ້ນໍ້າຫນັກຕົວຫລຸດລົງ 5 ກິໂລພາຍໃນ2ອາທິດ ກໍ່ຢ່າຟ້າວທໍ້ຖອຍ ລອງໃຫ້ເວລາຫລາຍຂຶ້ນເຊັ່ນ 2 ເດືອນ ຫລື 3ເດືອນ ຫາກເຈົ້າບໍ່ທໍ້ຖອຍກ່ອນ ເຈົ້າກໍ່ມີສິດທີ່ຈະເປັນສາວງາມຮູບຮ່າງດີໄດ້.
4) ຫ້າມຂີ້ຄ້ານ:ຖ້າຢາກຈ່ອຍແທ້ໆກໍ່ຕ້ອງດຸຫມັ່ນເຮັດກິດຈະກຳຕ່າງໆ ທີ່ຕ້ອງອອກແຮງໃຫ້ເຫື່ອອອກ ຫລາຍໆເພາະການອອກກຳລັງກາຍຈະເປັນຫົນທາງດຽວທີ່ຊ່ວຍກຳຈັດໄຂມັນສ່ວນເກີນ ໄດ້ຢ່າງປອດໄພ ແລະ ໄດ້ຜົນ.
5) ຫ້າມດື່ມນໍ້າອັດລົມ: ການດື່ມນໍ້າປະເພດນີ້ອາດຈະເຮັດໃຫ້ເຮົາຮູ້ສຶກສົດຊື່ນ ແຕ່ເຈົ້າຮູ້ບໍວ່າມັນມີແຄລໍຣີຫລາຍ ທາງທີ່ດີຄວນຫັນມາດື່ມນໍ້າສະອາດແທນຈະດີກວ່າ ທີ່ຊ່ວຍໃຫ້ຮູ້ສຶກສົດຊື່ນເຊັ່ນກັນ ທັງຍັງດີຕໍ່ສຸຂະພາບ ແລະ ບໍ່ມີແຄລໍຣີອີກ.
6) ຫ້າມບັນເທົາຄວາມຕຶງຄຽດດ້ວຍການກິນ: ຈະເຫງົາໃຈ,ເສົ້າໃຈ,ເສຍໃຈ…. ຄວນຫາງທາງອອກດ້ວຍການຟັງເພງ, ຍ່າງຫລິ້ນ, ເວົ້າລົມກັບໃຜຜູ້ຫນຶ່ງທີ່ຮັກເຮົາແທ້ ດີກວ່າການຫັນຫນ້າເພິ່ງພາເຂົ້າຫນົມຫວານ ຫລື ກະແລັມ ເຊຶ່ງອາດຊ່ວຍບຳບັດອາລົມໄດ້ພຽງຊົ່ວຄາວ ແຕ່ກໍເຮັດໃຫ້ອ້ວນຂຶ້ນໂດຍບໍ່ຮູ້ສຶກໂຕ.
7) ຫ້າມຕາມໃຈປາກ: ຖ້າຢາກຄຸມນໍ້າຫນັກຕົວໃຫ້ຢູ່ ຢ່າຕາມໃຈປາກດຸຫລາຍ ຄວນຄິດກ່ອນກິນສະເຫມີ.
ປະຕິບັດໄດ້ເທົ່ານີ້ ຮູບຮ່າງດີຈະບໍ່ຫນີໄກບັນດາສາວໆແນ່ນອນ.
ไม่มีความคิดเห็น:
แสดงความคิดเห็น