ສຸຂະພາບດີ ດ້ວຍການກິນທີ່ຖືກວິທີ

ການທີ່ເຮົາຈະມີ ສຸຂະພາບທີ່ແຂງແຮງ ຫ່າງຈາກພະຍາດ ເຮົາຄວນຫລີກລ້ຽງ ການກິນເຊັ່ນ: ນໍ້າເຢັນ, ນໍ້າແຂງ ແລະ ກພແລັມ ການກິນສິ່ງທີ່ເຢັນໆ ເປັນປະຈໍາຈະເຮັດໃຫ້ຮ່າງກາຍອ່ອນເພຍ ແລະ ບໍ່ຄ່ອຍມີແຮງ ເນື່ອງຈາກກະເພາະອາທໍາງານໄດ້ບໍ່ຄ່ອຍດີ ການດູດຊືມອາຫານຂອງຮ່າງກາຍໄດ້ຫນ້ອຍລົງ ການກິນຜັກສົດດີກໍ່ຈິງ ແຕ່ຄວນກິນແບບປຸງໃຫ້ສຸກກ່ອນໃຫ້ຫຼາຍກວ່າກິນແບບດິບ ເນື່ອງຈາກວ່າຮ່າງກາຍຈະຍ່ອຍຂອງສຸກໄດ້ດີກວ່າ ຈຶ່ງຊ່ວຍໃຫ້ ຈຶ່ງຊ່ວຍໃຫ້ກະເພາະອາຫານບໍ່ຕ້ອງທໍາງານໜັກຈົນເກີນໄປ ສ່ວນຂອງມັນ ແລະ ຂອງທອດ ຖ້າລີກໄດ້ຄວນເລີກຮັບປະທານໄປເລີຍຍິ່ງດີ ເພາະມັນຈະເຮັດໃຫ້ເລືອດໜຽວຂຸ້ນ ຄາຍຄືກັບນໍ້າມັນຫຼໍ່ລື້ນທີ່ໝົດອາຍຸ ຫຼື ແຜ່ນກັນຝຸ່ນຂອງເຄື່ອງປັບອາກາດ ເມື່ອເວລາມັນເປິເປື້ອນ ເຄື່ອງຈັກກໍ່ຈະຕ້ອງເຮັດວຽກໜັກຂຶ້ນ ການນໍາສານອາຫານໄປລ້ຽງຮ່າງກາຍ ແລະ ການລະບາຍຂອງເສຍຈະບໍ່ມີປະສິດທິພາບ ສຸດທ້າຍກໍ່ສົ່ງຜົນເຮັດໃຫ້ຮ່າງກາຍເຊື່ອມສະພາບລົງກ່ອນໄວອັນຄວນ.

ຮັກສາສຸຂະພາບງ່າຍໆ ໂດຍຫຼີກລ້ຽງ ການກິນອາຫານທີ່ສົ່ງຜົນທາງລົບຕໍ່ຮ່າງກາຍ!

ນັກ​ສຶກສາ​ຈົບ​ໃໝ່ວ່າງ​ງານ ​ເປັນ​ຍ້ອນຫຍັງ​

ປັດຈຸບັນຫຼາຍຄົນ ຍັງມີບັນຫາກ່ຽວກັບການວ່າງງານຢູ່ບໍ່ໜ້ອຍ ເພາະເນື່ອງມາຈາກ ເສດຖະກິດຜ່ອນຈັງຫວະການຂະຫຍາຍຕົວ ເລີຍສົ່ງຜົນເຮັດໃຫ້ມີການວ່າງງານເກີດຂຶ້ນ ນອກນັ້ນ, ຍັງມີບັນຫາຂອງນັກສຶກສາທີ່ຈົບໃໝ່ອີກດ້ວຍ ເຊິ່ງເປັນເຫດຜົນເຮັດໃຫ້ພວກເຂົາເຫຼົ່ານັ້ນຍັງວ່າງງານຢູ່ຍ້ອນວ່າ:

1. ບໍ່ໄດ້ສຶກສາຄວາມຕ້ອງການຂອງຕະຫຼາດແຮງງານໃຫ້ລະອຽດ

ແຕ່ລະໄລຍະຕະຫຼາດແຮງງານແຕ່ລະບ່ອນ ກໍຕ້ອງການຄົນເຮັດວຽກທີ່ແຕກຕ່າງກັນ. ສະນັ້ນ, ກ່ອນຈະຮຽນສາຂາໃດຕ້ອງສຶກສາຄວາມຕ້ອງການຂອງຕະຫຼາດແຮງງານກ່ອນ ເພາະຈະມີໂອກາດໃນການໄດ້ເຂົ້າເຮັດວຽກງ່າຍຂຶ້ນ.

2. ເລືອກສາຍຮຽນຕາມກະແສຄວາມນິຍົມ

ຄົນທີ່ຈົບໃໝ່ຫຼາຍຄົນມັກບໍ່ຮູ້ວ່າ ຕົນເອງມັກເຮັດວຽກຫຍັງ ເລີຍບໍ່ຮູ້ວ່າຈະຮຽນຄະນະໃດດີ ຈຶ່ງເລືອກຮຽນໄປຕາມກະແສ; ດັ່ງນັ້ນ, ໃຜທີ່ກຳລັງຈົບໃໝ່ຄວນຄົ້ນຫາຕົນເອງໃຫ້ໄດ້ວ່າມັກ ຫຼື ສົນໃຈກ່ຽວກັບຫຍັງ ໂດຍເບິ່ງຄວາມຕ້ອງການຂອງຕະຫຼາດເປັນຫຼັກ ໂອກາດທີ່ຈະໄດ້ວຽກກໍມີຫຼາຍຂຶ້ນ.

3. ເລືອກວຽກທີ່ຈະເຮັດ ຕາມຄວາມມັກຂອງຕົນເອງຫຼາຍເກີນໄປ

ຖ້າເລືອກໄດ້ ທຸກຄົນຕ່າງກໍຕ້ອງການເຮັດວຽກທີ່ຕົນເອງປາຖະໜາ ແຕ່ຄົນທີ່ຈົບໃໝ່ກໍຕ້ອງເຂົ້າໃຈຄວາມຈິງໃນໂລກຂອງການເຮັດວຽກມັນບໍ່ໄດ້ເໝືອນດັ່ງຄວາມຝັນ ໃຜທີ່ເຮັດວຽກຕາມທີ່ຕົນປາຖະໜາ ຕ້ອງຂຶ້ນຢູ່ກັບຄວາມສາມາດຂອງທ່ານເອງຕື່ມ ຖ້າຄຸນສົມບັດຂອງທ່ານບໍ່ກົງກັບຄວາມຕ້ອງການຂອງອົງກອນ ໂອກາດທີ່ທ່ານຈະໄດ້ເຮັດວຽກກໍຍາກ ເພາະສະນັ້ນເລືອກວຽກທີ່ເໝາະສົມກັບທ່ານ ແລະ ອົງກອນ ຕ້ອງເລືອກຕາມຄວາມຕ້ອງການ.

4. ມີທັກສະທີ່ບໍ່ກົງກັບຕຳແໜ່ງທີ່ສົນໃຈ

ສ່ວນຫຼາຍຄົນທີ່ປະສົບບັນຫານີ້ແມ່ນຄົນທີ່ມັກເລືອກຮຽນຕາມກະແສ ເພາະບໍ່ຮູ້ວ່າຕົນເອງຕ້ອງການຫຍັງ ແລະ ເລືອກສະໝັກວຽກຕາມຕໍາແໜ່ງທີ່ຕົນເອງສົນໃຈຫຼາຍກວ່າ ເຮັດໃຫ້ໂອກາດໃນການເຂົ້າເຮັດວຽກມີໜ້ອຍ ຖ້າໃຜທີ່ຕ້ອງການເຮັດວຽກໃນຕໍາແໜ່ງທີ່ສົນໃຈແມ່ນຕ້ອງໄປເຂົ້າຫລັກສູດຮຽນສະເພາະ ເພື່ອເພີ່ມທັກສະໃນການເຮັດວຽກຕາມຕໍາແໜ່ງທີ່ສົນໃຈ.

5. ຂາດການກຽມຕົວທີ່ດີ

ຖືວ່າເປັນບັນຫາທີ່ສຳຄັນສຳລັບຄົນຮຽນຈົບໃໝ່ ເພາະຄິດແຕ່ວ່າ ສະໝັກວຽກໃຫ້ຜ່ານກໍພໍແລ້ວ ແຕ່ໃນຄວາມຈິງ ສາວໆຕ້ອງມີການກຽມຕົວທີ່ດີຕັ້ງແຕ່ການກຽມເອກະສານທີ່ຈຳເປັນໃຫ້ຄົບຖ້ວນໃນການສະໝັກວຽກ ສຶກສາຂໍ້ມູນຂອງບໍລິສັດ ລວມທັງການແຕ່ງຕົວໃຫ້ຮຽບຮ້ອຍ ສຸພາບ ກຽມຄຳຕອບສຳພາດລ່ວງໜ້າ ຄົນທີ່ຈົບໃໝ່ສ່ວນຫຼາຍບໍ່ຜ່ານສຳພາດກໍຍ້ອນບໍ່ໄດ້ກຽມຕົວໃຫ້ດີ.

5 ​ເຕັກ​ນິກຂອງ​ການ​ເຮັດ​ວຽກ​ທີ່​ລາບ​ລື້​ນ ​ແລະ​ໂດນ​ໃຈ​ເຈົ້າ​ນາຍ​ກັບ​ທີ​ມງານ

5 ເຕັກນິກຂອງການເຮັດວຽກທີ່ລາບລື້ນ ແລະໂດນໃຈເຈົ້ານາຍກັບທີມງານ

1. ເຮັດຕາມຄູມືປະຕິບັດວຽກ ຫຼຸດປະລິມານຄວາມຜິດພາດ

ສຳລັບຄົນທີ່ເລີ່ມເຮັດວຽກໃໝ່ຄວນມີຄູມືປະຕິປັດວຽກ ເພາະມັນມີຄວາມຈຳເປັນຕໍ່ການເຮັດວຽກຫຼາຍ ເພາະມັນຈະເປັນແບບແຜນທີ່ເນັດຂຶ້ນມາເພື່ອໃຫ້ປະຕິບັດຕາມຄູມືແບບເຄັງຄັດ ຍ່ອມບໍ່ເກີດຄວາມຜິດພາດ ຫຼືຫຼຸດຄວາມຜິດພາດໄດ້ຫຼາຍ ຖ້າບໍ່ມີຄູມື ກໍຄວນປຶກສາເພືອນຮ່ວມງານທີ່ມີປະສົບການມາກ່ອນ ຖ້າມີຄຳຖາມກໍຄວນຮີບຖາມບໍ່ໃຫ້ຄາໃຈ ແລ້ວເຮັດວຽກນັ້ນໃຫ້ສຳເລັດ ເພື່ອໃຫ້ເຂົ້າໃຈເນື້ອໃນວຽກໃຫ້ຖຶກຕ້ອງ.

2. ບັນທຶກໂນດວຽກກ່ອນເຮັດ ເພື່ອຈຳກັດໂອກາດທີ່ຈະເຮັດຜິດພາດ

ຖ້າມີການຈັດລະບຽບການເຮັດວຽກຂອງເຮົາເປັນລຳດັບຂັ້ນຕອນ ຈະຊ່ວຍປ້ອງກັນຄວາມປິດພາດຂອງທ່ານໄດ້ຫຼາຍຂຶ້ນ ກ່ອນທີ່ຈະເລີ່ມເຮັດວຽກໃນແຕ່ລະມື້ ໃຫ້ຈົດລາຍການທີ່ຈະຕ້ອງເຮັດທັງໝົດລົງມາໃຫ້ຄົບຖ້ວນ ແລ້ວຈັດລຳດັບສິ່ງທີ່ຈະຕ້ອງເຮັດກ່ອນຫຼືຫຼັງຕາມຄວາມສຳຄັນ ແລະຄວາມດ່ວນ ລວມທັງຈົດລາຍການຂໍ້ຄວນລະວັງຕ່າງໆ ໄວ້ເພືອເຕືອນໃຈ ແລະຢ່າລື່ມຕິດໂນດໄວ້ບ່ອນທີ່ເຫັນງ່າຍເຊັ່ນ ຕິດຢູ່ໜ້າຄອມພິວເຕີ ເປັນຕົ້ນ.

3. ກວດວຽກ ຫຼື ເຊັກວຽກກ່ອນສົ່ງເພື່ອປ້ອງກັນການຜິດພາດ ແລະການຖຶກຕຳນິ.

ເມື່ອເຮັດວຽກສຳເລັດແລ້ວຕ້ອງກວດເບິ່ງຄວາມຖຶກຕ້ອງທຸກຄັ້ງ ແລະບໍ່ໄດ້ກວດພຽງແຕ່ເທື່ອດຽວເທົ່ານັ້ນ ຄວນຊ່ວຍກັນກວດເບິ່ງຫຼາຍໆຄົນ ນອກຈາກເຂຈົ້າຂອງວຽກຈະຕ້ອງກວດວຽກຂອງຕົນແລ້ວ ຜູ້ທີ່ກ່ຽວຂ້ອງກັບວຽກນັ້ນກໍຄວນກວດເບິ່ງເຊັ່ນກັນ ເພື່ອຄວາມຮັດກຸ່ມຄວນມີການເຊັ່ນຮັບຮອງ ວ່າໃຜໄດ້ກວດແລ້ວ ຈະເຮັດໃຫ້ຜູ້ກວດເພີ່ມຄວາມລະມັດລະວັງຫຼາຍຂຶ້ນອີກລະດັບໜຶ່ງ ເພາະທຸກຄົນຮູ້ດີວ່າ ການລົງຊື່ມີຜົນຕໍ່ການຮັບຜິດຊອບໃນກໍລະນີເກີດຄວາມຜິດພາດຂຶ້ນມາ.

4. ສົ່ງວຽກຫຼືລາຍງານຜົນ ທີ່ໄດ້ເຮັດຮຽບຮ້ອຍແລ້ວ.

ສົ່ງວຽກ ຫຼືລາຍງານຜົນໃຫ້ທີມງານ ເຈົ້ານາຍ ຫຼື ຜູ້ທີ່ກ່ຽວຂ້ອງໃນການມອບໝາຍວຽກນັ້ນໆ ເພື່ອລາຍງານໃຫ້ຮູ້ເຖິງການເຄື່ອນໄຫວ ແລະເປັນການອັບເດດວຽກທີ່ທ່ານເຮັດສຳເລັດຮຽບຮ້ອຍແລ້ວໃຫ້ ທີມງານ ຫຼືຜູ້ທີ່ກ່ຽວຂ້ອງໃນງານນັ້ນຮັບຮູ້ເພື່ອການສື່ສານທີ່ດີໃນການເຮັດວຽກ.

5. ຖ້າເກີດຄວາມຜິດພາດມື້ໃດ ໃຫ້ລາຍງານເມື່ອນັ້ນ.

ເມື່ອການເຮັດວຽກເກີດຂໍ້ຜິດພາດ ເຈົ້າຂອງວຽກ ຫຼືຜູ້ທີ່ກ່ຽວຂ້ອງຕ້ອງຮີບແຈ້ງຕໍ່ຫົວໜ້າທັນທີວ່າເກີດຫຍັງຂຶ້ນ ຜິດພາດແບບໃດ ເກີດຈາກຫຍັງ ລວມທັງຄິດຫາແນວທາງແກ້ໄຂ ເພື່ອນຳສະເໜີຫົວໜ້າ ໂດຍກຳນົດໄລຍະເວລາໃນການປັບປຸງແກ້ໄຂແນວທາງການແກ້ໄຂຢ່າງເປັນຮູບປະທຳ ເພື່ອໃຫ້ປັນຫາເຊົາລົງໂດຍສຳເລັດ ທັງໝົດນີ້ບໍ່ແມ່ນເພື່ອຕ້ອງການເອົາໂທດກັນ ແຕ່ເພື່ອໃຫ້ເກີດການຮຽນຮູ້ຈາກຂໍ້ຜິດພາດ ແລະປ້ອງກັນບໍ່ໃຫ້ເກີດຂໍ້ຜິດພາດຊ້ຳອີກນັ້ນເອງ.

21 ເຄັດ​ລັບ​ທີ່​ຄົນ​ໃຊ້ iPhone ບໍ່​ຮູ້ວ່າ​ເຮັດ​ໄດ້

ຫາກທ່ານຕ້ອງການໃຊ້ປະໂຫຍດຈາກ iPhone ຂອງ​ທ່ານ​ໃຫ້​ໄດ້​ຢ່າງ​ເຕັມ​ປະ​ສິດ​ຕິ​ພາບ, 21 ເຄັດ​ລັບດັ່ງ​ຕໍ່​ໄປ​ນີ້​ຈະເຮັດ​ໃຫ້​ຄົນ​ອ້ອມ​ຂ້າງ​ທ່ານ​ອິດ​ສາ​ວິ​ທີ​ການ​ໃຊ້ iPhone ​​ຢ່າງ​ຊານ​ສະຫຼາດ​ຂອງ​ທ່ານ. (ອັນ​ສຸດ​ທ້າຍ​ຖືກ​ໃຈ​ຜູ່​ຂຽນ​ທີ່​ສຸດ​ເລີຍ)

1. ສາກ​ແບັດ​ເຕີ​ຣີ​ໃຫ້​ໄວ​ຂຶ້ນ​ດ້ວຍ Airplane Mode

ທຸກ​ຄັ້ງ​ທີ່​ທ່ານ​ຕ້ອງ​ການ​ສາກ​ແບັດ​ເຕີ​ຣີ​ໃຫ້​ຂຶ້ນ​ໄວ​ກວ່າ​ປົກ​ກະ​ຕິ ພຽງ​ທ່ານ​ເປີດ​ໂໝດ​ໃນ​ຍົນ ຫຼື Airplane Mode ໃນ​ເວ​ລາ​ທີ່​ທ່ານ​ສາກ​ໄຟ​ຢູ່ ເທົ່າ​ນີ້​ແບັດ​ເຕີ​ຣີ​ຂອງ​ທ່ານ​ກໍ​ຈະ​ເຕັມ​ໄວ​ກວ່າ​ປົກ​ກະ​ຕິ​ແລ້ວ.

2. ຫາກ​ທ່ານ​ພິມ​ຜິດ​ໃນ​ລະ​ຫວ່າງ​ການ​ຂຽນ​ອີ​ເມວ, ຂໍ້​ຄວາມ ຫຼື ແກ້​ໄຂ​ຮູບ​ພາບ ​ໃຫ້​ທ່ານ​ສັ່ນ​ໂທ​ລະ​ສັບ​ຂອງ​ທ່ານ ພຽງ​ເທົ່າ​ນັ້ນ​ໜ້າ​ undo ຫຼື ແກ້​ໄຂ​ການ​ພິມ​ຄືນ ກໍ​ຈະ​ສະ​ແດງ​ຂຶ້ນ​ມາ ໃຫ້​ທ່ານ​ແກ້​ໄຂ​ຄືນ​ໄດ້​ຢ່າງ​ງ່າຍ​ດາຍ

3. ຫາກ​ທ່ານ​ຕ້ອງ​ການ​ໃສ່​ຈ້ຳ​ເມັດ​ເພື່ອ​ຈົບ​ປະ​ໂຫຍກ ແລ້ວເລີ່ມ​ປະ​ໂຫຍກ​ໃໝ່, ທ່ານ​ສາ​ມາດ​ເຮັດ​ໄດ້​ງ່າຍໆ​ໂດຍ​ການ​ກົດ​ປຸ່ມ​ຍະ​ຫວ່າງ 2 ຄັ້ງ

4. ຢາກ​ຮູ້​ວ່າ​ມີ​ຍົນ​ລຳ​ໃດ​ກຳ​ລັງ​ບິນ​ຢູ່​ເທິງ​ຫົວ​ທ່ານ ທ່ານ​ພຽງ​ເວົ້າ​ວ່າ “What flights are overhead.” ເທົ່າ​ນີ້ iPhone ກໍ​ຈະ​ສະ​ແດງກ​ຣາ​ຟ​ຂອງ​ຍົນ​ທີ່​ກຳ​ລັງ​ບິນ​ຢູ່​ໃນ​ທ້ອງ​ຟ້າ​ໃກ້​ທ່ານ​ແລ້ວ

5. ຖ່າຍຮູບ​ໜ້າ​ຈໍ ຫຼື screenshot ຂອງ​ເວັບ​ໄຊ, ຂໍ້​ຄວາມ ຫຼື ເຫດ​ການ​ຕ່າງໆ​ທີ່​ເກີດ​ຂຶ້ນ​ໃນ​ iPhone ຂອງ​ທ່ານ​ເພື່ອ​ເກັບ​ໄວ້​ໄດ້​ງ່າຍໆ, ພຽງ​ທ່ານ​ກົດ​ປຸ່ມ Home ແລະ ປຸ່ມ​ເປີດ​/ປິດ ພ້ອມໆ​ກັນ. ພາບ​ຖ່າຍ​ໜ້າ​ຈໍ​ກໍ​ຈະ​ຖືກ​ບັນ​ທຶກ​ໄວ້​ (ສາ​ມາດ​ເຮັດ​ໃນ iPad ໄດ້​ເຊັ່ນ​ກັນ)

6. ສອນ Siri ໃຫ້​ອອກ​ສຽງ​ໃຫ້​ຖືກ​ຕ້ອງທຸກໆ​ຄັ້ງ​ທີ່ Siri ອອກ​ສຽງ​ຄຳ​ໃດ​ນຶ່ງ​ຜິດ, ໃຫ້​ທ່ານ​ເວົ້າ​ວ່າ “That’s not how you pronounce ______” ແລ້ວ Siri ຈະ​ໃຫ້​ທ່ານບອກ​ການ​ອອກ​ສຽງ​ທີ່​ຖືກ​ຕ້ອງ.

7. ຕັ້ງ​ເວ​ລາ​ໃຫ້​ເພງ ຫຼື audiobook ຂອງ​ທ່ານ​ປິດ​ໂດຍ​ອັດ​ຕະ​ໂນ​ມັດ ໃນ​ເວ​ລາ​ທີ່​ທ່ານ​ເປີດ​ຟັງ​ກ່ອນນອນ

ພຽງ​ທ່ານ​ເປີດ​ແອັບຯ Clock (ໂມງ) ຂຶ້ນ​ມາ, ແລ້ວ​ແຕະ​ໄປ​ທີ່​ປຸ່ມ Timer ທີ່​ຢູ່​ດ້ານ​ຂວາ​ລຸ່ມ. ເມື່ອ​ເຂົ້າ​ມາ​ແລ້ວ​ໃຫ້​ທ່ານ​ຕັ້ງ​ໄລ​ຍະ​ເວ​ລາ​ຕາມ​ຄວາມ​ຕ້ອງ​ການຈົນ​ກວ່າ​ເພງ​ຂອງ​ທ່ານ​ຈະ​ປິດ​ລົງ, ຕໍ່​ມາ​ແຕະ​ໄປ​ທີ When Timer Ends ແລະ ເລື່ອນ​ລົງ​ມາ​ຈົນ​ເຫັນ “Stop Playing” ແລ້ວ​ເລືອກ​ມັນ. ພຽງ​ເທົ່າ​ນີ້​ເພງ​ຂອງ​ທ່ານ​ກໍ​ຈະ​ປິດ​ລົງ​ໂດຍ​ອັດ​ຕະ​ໂນ​ມັດ​ເມື່ອ​ເຖິງ​ເວ​ລາ.

8. ປິດ/ເປີດ ໄອ​ຄອນ iPhone AssistiveTouch ຢ່າງວ່ອງ​ໄວ

ຜູ່​ໃຊ້ iPhone ຫຼາຍ​ຄົນ​ມັກ​ເປີດ​ນຳ​ໃຊ້ AssistiveTouch (ຫຼື​ໄອ​ຄອນ​ກົມໆ​ຢູ່​ໜ້າ​ຈໍ​ນັ້ນ​ລະ) ເພື່ອຫຼຸດ​ຜ່ອນ​ການ​ໃຊ້​ງານ​ປຸ່ມ Home ລົງ, ແຕ່​ບາງ​ຄັ້ງ​ມັນ​ກໍ​ລົບ​ກວນ​ເຮົາ​ໄດ້ ເນື່ອງ​ຈາກ​ມັນ​ຈະ​ຢູ່​ບັງ​ໜ້າ​ຈໍ​ເກືອບ​ຕະຫຼອດ​ເວ​ລາ​ ຫາກ​ທ່ານ​ຕ້ອງ​ການ​ປິດ/ເປີດ​ມັນ​ໃຫ້​ເຂົ້າ​ໄປ​ທີ່ Settings > General > Accessibility ແລ້ວ​ແຕະ​ທີ່ AssistiveTouch ແລະ ຫາກ​ທ່ານ​ຕ້ອງ​ການ​ໃຫ້​ມັນ​ສາ​ມາດ​ເປີດ​/ປິດ​ໄດ້​ຢ່າງ​ສະ​ດວກ​ໃຫ້​ທ່ານ​ແຕະ​ໄປ​ທີ່ “Triple-click Home” ແລະ ເລືອກ Toogle AssistiveTouch ທ່ານ​ກໍ​ຈະ​ສາ​ມາດ​ເປີດ​ປິດ​ມັນ​ໄດ້​ໂດຍ​ການ​ກົດ​ທີ່​ປຸ່ມ Home 3 ຄັ້ງ.

9. ທ່ານ​ສາ​ມາດ​ໃຊ້​ປຸ່ມ ເພີ່ມ/ຄ່ອຍສຽງ ເພື່ອ​ຖ່າຍ​ຮູບ​ໄດ້​ຕະຫຼອດ​ເວ​ລາ​ທີ່​ທ່ານ​ເປ​ີດ​ແອັບຯ​ຖ່າຍ​ຮູບ​ຢູ່

10. ວິ​ທີການ​ຖ່າຍ​ຮູບ​ລົວໆ

ໂດຍ​ກາ​ນ​ກົດ​ປຸ່ມ​ຖ່າຍ​ຮູບ​ຄ້າງ​ໄວ້, iPhone ຈະ​ເຂົ້າ​ສູ່​ໂໝດ​ຖ່າຍ​ຮູບ​ລົວໆ ຫຼື burst mode ໂດຍ​ອັດ​ຕະ​ໂນ​ມັດ ເຮັດ​ໃຫ້​ທ່ານ​ສາ​ມາດ​ຖ່າຍ​ຮູບ​ວັດ​ຖຸ​ເຄື່ອນ​ໄຫວ​ໄດ້​ງ່າຍ​ຂຶ້ນ

11. ໃຊ້ iPhone ຂອງ​ທ່ານ​ເປັນ​ໂຕວັດ​ແທກ​ລະ​ດັບ​ຄວາງ​ທ່ຽງ. ພຽງ​ທ່ານ​ປັດ​ນິ້ວ​ໄປ​ຊ້າຍ​ເວ​ລາ​ຢູ່​ໃນແອັບຯ Compass ເທົ່າ​ນັ້ນ ທ່ານ​ກໍ​ສາ​ມາດ​ໃຊ້ iPhone ເປັນ​ໂຕວັດ​ແທກ​ຄວາມ​ທ່ຽງ​ໄດ້​ແລ້ວ

12. ໃຊ້​ປຸ່ມ Speak ໃນ iPhone ເພື່ອ​ໃຫ້​ໂທ​ລະ​ສັບ​ອ່ານ​ອອກ​ສຽງ​ໃຫ້​ທ່ານ​ໄດ້​ຍິນ

ຫາກ​ທ່ານ​ຕ້ອງ​ການ​ໃຊ້​ຄວາມ​ສາ​ມາດ​ນີ້ ທ່ານ​ຕ້ອງ​ເຂົ້າ​ໄປ​ເປີດ​ນຳ​ໃຊ້​ກ່ອນ ໂດຍ​ເຂົ້າ​ໄປ​ທີ່ Settings > General > Accessibility ຫຼັງ​ຈາກ​ນັ້​ນ​ໃຫ້​ເປີດ Speak Selection. ທ່ານ​ສາ​ມາດ​ເລືອກ​ສຽງ​ໄດ້ຫຼາຍ​ປະ​ເພດ ຕັ້ງ​ແຕ່ສຳ​ນຽງ​ອົດ​ສະ​ຕາ​ລີ, ອັງ​ກິດ, ສະ​ເປນ ຯ​ລຯ. ເພື່ອ​ໃຫ້​ໂທ​ລະ​ສັບ​ອ່ານ​ອອກ​ສຽງ ໃຫ້​ທ່ານ​ເລືອກ​ຂໍ້​ຄວາມ​ໃດ​ນຶ່ງ (ໂດຍ​ການ​ແຕະ 2 ຄັ້ງ ຫຼື ແຕະ​ຄ້າງ​ໄວ້​ໃສ່​ຂໍ້​ຄວາມ), ຫຼັງ​ຈາກ​ນັ້ນ​ໃຫ້​ແຕະ​ທີ່​ປຸ່ມ Speak ຈາກ​ເມ​ນູ​ທີ່​ເດັ້ງ​ຂຶ້ນ​ມາ. ຫາກ​ທ່ານ​ບໍ່​ເຫັນ​ປຸ່ມ Speak ໃຫ້​ທ່ານ​ແຕະ​ໄປ​ທີ​ລູກ​ສອນ​ຂວາ​ນ້ອຍໆ​ຈາກ​ເມ​ນູ​ທີ່​ເດັ້ງ​ຂຶ້ນ​ມາ ແລ້ວ​ຈຶ່ງ​ເລືອກ Speak.

13. ສ້າງ​ລະ​ຫັດ​ຜ່ານ passcode ທີ່​ໃຊ້​ເວ​ລາ​ປົດ​ລັອກ​ໂທ​ລະ​ສັບດ້ວຍ​ໂຕອ​ັກ​ສອນແທນ​ໂຕ​ເລກ.

ເຂົ້າ​ໄປ​ທີ່ Settings > General > Passcode Lock ແລ້ວ​ປິດ “Simple Passcode” ລະ​ບົບ​ຈະ​ຖາມ​ໃຫ້​ທ່ານ​ປ່ຽນ passcode, ທ່ານ​ຈະ​ເຫັນ​ວ່າ​ແປ້ນ​ພິມ​ເຕັມໆ​ໄດ້​ຖືກ​ສະ​ແດງ​ຂຶ້ນແທນ​ທີ່​ແປ້ນ​ພິມ​ໂຕ​ເລກ. ເມື່ອ​ທ່ານ​ຈະ​ປົດ​ລັອກ​ໂທ​ລະ​ສັບ ແປ້ນ​ພິມ​ເຕັມໆ​ນີ້​ກໍ​ຈະ​ສະ​ແດງ​ຂຶ້ນ​ມາເພື່ອ​ໃຫ້​ທ່ານ​ປ້ອນ​ລະ​ຫັດ​ຜ່ານ​ເຊັ່ນ​ກັນ.

14. ໃສ່​ນາມ​ສະ​ກຸນ​ເວັບ​ຢ່າງວ່ອງ​ໄວ

ພຽງ​ທ່ານ​ກົດ​ປຸ່ມ . ຢູ່​ໃນ​ແປ້ນ​ພິມ​ຂອງ​ທ່ານ​ຄ້າງ​ໄວ້ ເທົ່າ​ນັ້ນ​ເມ​ນູ​ລາຍ​ການນາມ​ສະ​ກຸນ​ເວັບ​ກໍ​ຈະ​ຖືກ​ສະ​ແດງ​ຂຶ້ນ​ເຊັ່ນ .com .org .net ຯ​ລຯເປັນ​ຕົ້ນ

15. ເບິ່ງ​ປະ​ຕິ​ທິນ​ແບບ​ລະ​ອຽດ​ຂຶ້ນໄດ້​ໂດຍ​ການ​ງ່ຽງ​ iPhone ແລ້ວ​ເບິ່ງ​ໃນ​ໂໝດ landscape ຫຼື ໂໝດ​ລວງນອນ

16. ເບິ່ງ​ອີ​ເມວ​ສະ​ບັບ​ຮ່າງ (draft) ​ຢ່າງວ່ອງ​ໄວ ໂດຍ​ການ​ກົດ​ປຸ່ມຂຽນ​ອີ​ເມວທີ່​ຢູ່​ດ້ານ​ຂວາ​ລຸ່ມ​ຄ້າງ​ໄວ້ ແລ້ວ​ລະ​ບົບ​ຈະ​ພາ​ທ່ານ​ໄປ​ຫາ​ໜ້າ​ຕ່າງ​ສະ​ບັບ​ຮ່າງ​ເອງ.

17. ເບິ່ງ​ເວ​ລາ​ການ​ສົ່ງ​ຂໍ້​ຄວາມ​ດ້ວຍ​ການ​ສະ​ໄລ້​ຂໍ້​ຄວາມ​ໄປ​ທາງ​ຊ້າຍ

18. ຖ່າຍ​ຮູບ​ໂດຍ​ລັອກ autofocus ແລະ exposure

ໃນ​ເວ​ລາ​ທີ່​ທ່ານ​ກຳ​ລັງ​ຈະ​ຖ່າຍ​ຮູບ ໃຫ້​ທ່ານ​ກົດ​ທີ່​ໜ້າ​ຈໍ​ຄ້າງ​ໄວ້​ຈົນ​ກວ່າ​ຈະ​ມີ​ກ່ອງ​ສີ່ຫຼ່ຽມ​ສີ​ເຫຼືອງ​ສະ​ແດງ​ຂຶ້ນ​ມາ ກົດ​ຄ້າງ​ໄວ້​ຈົນ​ທ່ານ​ເຫັນ​ຄຳ​ວ່າ AE/AF Lock ດັ່ງ​ຮູບ​ແລ້ວ​ໃຫ້​ປ່ອຍ​ນິ້ວ. ເທົ່າ​ນີ້​ທ່ານ​ກໍ​ລັອກ autofocus ແລະ exposure ໄວ້​ແລ້ວ. ມັນ​ຈະ​ເປັນ​ແນວ​ນີ້​ຈົນ​ກວ່າ​ທ່ານ​ຈະທຳ​ການ​ຖ່າຍ​ຮູບ.

19. ສ້າງ shortcut ຂໍ້​ຄວາມ

​ໃຫ້​ທ່ານ​ເຂົ້າ​ໄປ​ທີ່ Settings > General > Keyboard > Shortcuts > Add New Shortcut ແລ້ວ​ປ້ອນ​ຂໍ້​ຄວາມ​​ທີ່​ທ່ານ​ມັກ​ໃຊ້​​ເປັນ​ປະ​ຈຳ ແລະ ຂໍ້​ຄວາມ​ສັ້ນ​ທີ່​ທ່ານ​ຈະ​ໃຊ້​ແທນ​ຄຳ​ນັ້ນ, ທຸກໆ​ຄັ້ງ​ທີ່​ທ່ານ​ພິມ​ຂໍ້​ຄວາມ​ສັ້ນ​ໃນ ຂໍ້​ຄວາມ​ເຕັມ​ຈະ​ຖືກ​ສະ​ແດ​ງ​ຂຶ້ນ​ໂດຍ​ອັດ​ຕະ​ໂນ​ມັດ!

20. ໃຫ້ iPhone ເຕືອນ​ທ່ານ​ດ້ວຍ​ແສງແທນ​ສຽງ

​ແທນ​ທີ່ iPhone ​ຈະ​ແຈ້ງ​ເຕືອນ​ທ່ານ​ໂດຍ​ການ​ສັ່ນ ຫຼື ສຽງ​ເວ​ລາ​ທີ່​ທ່ານ​ໄດ້​ຮັບ​ຂໍ້​ຄວາມ ຫຼື ມີ​ການ​ໂທ​ເຂົ້າ, ທ່ານ​ສາ​ມາດ​ຕັ້ງ​ໃຫ້​ມັນ​ສະ​ແດງ​ແສງ​ flash ​ເຕືອນ​ແທນ​ໄດ້. ໃຫ້​ທ່ານ​ເຂົ້າ​ໄປ​ທີ່ Settings > General > Accessibility ແລ້ວ​ເລື່ອນ​ລົງ​ມາ​ຈົນ​ເຫັນ LED Flash for Alerts ແລ້ວ​ທຳ​ການ​ເປີດ​ນຳ​ໃຊ້​ມັນ.

21. ປັບ​ແຕ່ງ​ຈັງ​ຫວະ​ການ​ສັ່ນ

ທ່ານ​ສາ​ມາດ​ປ່ຽນ​ຈັງ​ຫວະການ​ສັ່ນ​ເວ​ລາ​ໄດ້​ຮັບ​ການ​ແຈ້ງ​ເຕືອນ​ໄດ້. ໃຫ້​ທ່ານ​ເຂົ້າ​ໄປ​ທີ່ Settings > Sounds > Ringtone > Vibration > Create New Vibration. ພຽງ​ເທົ່າ​ນີ້​ທ່ານ​ກໍ​ຈະ​ສາ​ມາດ​ຮູ້​ໄດ້​ວ່າ​ໃຜ​ໂທ​ຫາ ຫຼື ສົ່ງ​ຂໍ້​ຄວາມ​ຫາ ພຽງ​ແຕ່​ຈາກ​ການ​ສັ່ນ​ເຕືອນ​ເທົ່າ​ນັ້ນ (ຕົວ​ຢ່າງ​ສັ່ນ​ລົວໆ ແມ່ນ​ກິກ​ໂທ​ມາ, ສັ່ນ​ຍາວວວວວວ ແມ່ນ​ເມຍ​ໂທ​ມາ​ ຮະ​ຮະ​ຮະ #ຜິດ)

ວິທີດັບກິ່ນປາກ.....ໂດຍໂຍເກີດ ,ຜັກກະເດົາ ແລະນ້ຳ

 ວິທີດັບກິ່ນປາກ.....ໂດຍໂຍເກີດ ,ຜັກກະເດົາ ແລະນ້ຳ

ຮັບປະທານໂຢເກີດຕໍ່ເນືອ່ງ ຮັບປະທານໂຢເກີດລົດທີ່ມັກປະມານວັນລະ 2 ຈອກເປັນໄລຍະເວລາ 6 ອາທິດຕິດຕໍ່ກັນຮັບຮອງວ່າຈະຊ່ວຍເຮັດໃຫ້ ລົມຫາຍໃຈຂອງທ່ານບໍ່ເຫັມນແນ່ນອນ ນອກຈາກນີ້ ຍັງຊ່ວຍຫລຸດ ຄວາມສ່ຽງຕໍ່ການເກີດເປັນພະຍາດເຫືອກໄດ້ດີນຳອີກ.

ໃບກະເດົາ:ໃບກະເດົາມີຄຸນປະໂຫຍດສຳຄັນທີ່ສາມາດຕ້ານເຊື້ອພະຍາດແລະເຊື້ອລາໃນປາກໄດ້ເຖິງແມ່ນວ່າລົດຊາດໃບກະເດົາຈະຂົມຫລາຍແຕ່ມັນ

ຊ່ວຍກຳຈັດກິ່ນເຫັມນໃນປາກໄດ້ໃຫ້ຫມົດໄປພຽງມ່ານຫຍ້ຳໃບກະເດົາສົດແລ້ວກືນລົງທ້ອງພຽງເທົ່ານີ້ລົມຫາຍໃຈກໍ່ບໍ່ມີກິນແລ້ວ

ດື່ມນ້ຳຫລາຍໆ ເຊື້ອພະຍາດໃນປາກຈະເລີນເຕີບໂຕໄວຂຶ້ນຖ້າປາກທ່ານແຫ້ງ ດັ່ງນັ້ນຄວນຈະດື່ມນ້ຳໃຫ້ ຫລາຍໆຢ່າງຫນ້ອຍ 8 ຈອກຕໍ່ວັນ ເພືອ່ປ້ອງກັນບໍ່ໃຫ້ລົມຫາຍໃຈມີກິ່ນຫລາຍຈົນເກີນໄປຈະເຮັດໃຫ້ທ່ານຫົມດຄວາມຫມັ້ນໃຈ ທີ່ຈະອ້າປາກສົນທະນາກັບຫມູ່.

ແຕ່ທີ່ສຳຄັນຄືທ່ານຕ້ອງຫມັ່ນທຳຄວາມສະອາດໃນປາກເປັນປະຈຳນັ້ນກໍ່ຄືການຖູແຂ້ວຫັລງຮັບປະທານທຸກເທືອ່ແຕ່ສຳລັບໃຜທີ່ອອກໄປນອກ ຫລືໄປເຮັດວຽກບໍ່ມີເວລາຖູແຂ້ວຕອນສວຍກໍ່ນຳວິທີທີ່ບອກມານັ້ນໄປປະຕິບັດໄດ້

5 ວິທີດູແລຕົວເອງຂອງຄົນທີ່ມັກນອນເດິກເປັນປະຈຳ

ໃນຄໍລຳ ສຸຂະພາບ ວັນນີ້ ຄົນທີ່ມັກນອນເດິກເປັນປະຈຳຄວນອ່ານ ເພາະສິ່ງທີ່ຈະນຳສະເໜີຕໍ່ໄປນີ້ ມັນຈະມີປະໂຫຍດຫຼາຍສຳລັບຄົນທີ່ມັກນອນເດິກເປັນປະຈຳ ເພາະຄົນທີ່ມັກນອນເດິກນັ້ນຕ້ອງດູແລເອົາໃຈໃສ່ຕົວເອງກວ່າຄົນທີ່ນອນຖືກຕາມໂມງເວລາ ແຕ່ຈະເຮັດແນວໃດນັ້ນເຮົາມາອ່ານນຳກັນເລີຍ

1 ຖ້າຮູ້ສຶກວ່າຢາກນອນກໍ່ນອນໂລດ : ເມື່ອຮ່າງກາຍຮູ້ສຶກວ່າຕ້ອງການພັກຜ່ອນແລ້ວກໍ່ຄວນນອນ ບໍ່ຄວນຝືນຕໍ່ໄປ ເພາະຄົນເຮົາຢ່າງໜ້ອຍຕ້ອງນອນມື້ລະ 4 ຊົ່ວໂມງຂຶ້ນໄປຮ່າງກາຍຈິ່ງຈະໄດ້ຮັບການພັກຜ່ອນຢ່າງເໝາະສົມ

2 ອອກກຳລັງກາຍເບົາໆຫຼັງຕື່ນນອນໃໝ່ : ເມື່ອຕື່ນນອນໃໝ່ໆກໍ່ຄວນຍ່າງ ຫຼື ແລ່ນ ຍ່າງນ້ອຍກໍ່ໃຫ້ໄດ້ປະມານ 100 ແມັດ ຫຼື ອອກກຳລັງກາຍທ່າອື່ນໆກໍ່ໄດ້ ເພື່ອໃຫ້ຮ່າງກາຍຕື່ນຕົວ ສົດຊື່ນມີຊີວິດຊີວາ

3 ກິນອາຫານທີ່ມີປະໂຫຍດ: ຄົນທີ່ມັກນອນເດິກສະໝອງຈະຮູ້ສຶກເມື່ອຍເພຍ ສະນັ້ນຄວນນກິນອາຫານປະເພດເຕົ້າຮູ້, ປາ, ໄກ່, ໄຂ ສານອາຫານຈຳພວກນີ້ຈະຊ່ວຍໄປບຳລຸງສະໝອງ ແລະ ຄວາມຈຳໄດ້ດີ

4 ງົດດື່ມກາເຟ : ກາເຟມີສານຄາເຟອິນ ສະນັ້ນບໍ່ຄວນດື່ມ ຖ້າຢາກດື່ມແທ້ໆ ກໍ່ດື່ມໂກໂກ້ແທນ ເພາະໃນໂກໂກ້ ມີ ຟລາໂວນອຍ ສານຊ່ວຍກະຕຸ້ນໃຫ້ເລືອດໄຫລໄປລ້ຽງສະໝອງໄດ້ດີ ແລະ ບໍ່ມີສານຄາເຟອິນອີກດ້ວຍ

5 ກິນວິຕາມິນແກ້ອາການເຄັ່ງຕຶງຂອງລະບົບປະສາດ: ວິຕາມີນບີ ແລະ ວິຕາມິນຊີ ຈະຊ່ວຍເຮັດໃຫ້ຜ່ອນຄາຍໄດ້ດີ ເມື່ອຕື່ນນອນຂຶ້ນມາກໍ່ຄວນດື່ມນ້ຳອຸ່ນທຳມະດາ ກິນເຂົ້າ, ກິນຜັກ, ໝາກໄມ້ ຫຼື ດື່ມນ້ຳໝາກໄມ້ສົດໆ ທຸກມື້ຍິ່ງເປັນການດີ

ນອນເດິກ ແລະ ຕ້ອງໄດ້ຕຶ່ນເຊົ້າ ຈະເຮັດແນວໃດ.

ຂັ້ນຕອນທໍາອິດກອ່ນເຂົ້ານອນ ໃຫ້ຫາກິນອາຫານອຸ່ນໆ ແລະ ຍ່ອຍໄດ້ງ່າຍໆ ຈະເປັນໂຈກ ເຂົ້າຕົ້ມ   ໝາກ ກ້ວຍ ແຕ່ຕ້ອງນໍາໄປອຸ່ນໃຫ້ຮ້ອນກ່ອນ, ແຕ່ບໍ່ແນະນໍາໃຫ້ດື່ມນົມ ເພາະວ່ານົມມີໄຂມັນສູງຕ້ອງໃຊ້ເວລາຍ່ອຍດົນຍິ່ງຈະເຮັດໃຫ້ຮ່າງກາຍຜັກຜ່ອນໄດ້ຊ້າລົງໄປອີກ.

ຂັ້ນຕອນທີ່2 ຫຼັງຈາກຕື່ນນອນແນະນໍາໃຫ້ອາບນໍ້າອຸ່ນຫຼືແຊ່ນໍ້າອຸ່ນທີ່ຄ້ອນຂ້າງຮ້ອນ ປະມານ 3 ນາທີ ແລະ ອາບແຊ່ນໍ້າເຢັນເປັນອີກ 2 ນາທີ ສະລັບໄປມາແບບນີ້ 3 ຮອບວິທີນີ້ຈະຊ່ວຍໃຫ້ຮູ້ສຶກສົດຊື່ນ ໄດ້ຫຼາຍກວ່າການດື່ມກາເຟເພື່ອແກ່ງ່ວງນອນ. ຈາກນັ້ນ, ກໍ່ຫາກິນອາຫານຕື່ມອີກຈັກໜ່້ອຍ ອາດຈະເປັນປະເພດຜັກ ແລ້ວກິນກໍ່ກິນໝາກໄມ້ສົດຕື່ມຈັກໜ້ອຍ ກໍ່ຈະເຮັກໃຫ້ເຮົາສົດຊື່ນຄືກັບວ່າໄດ້ນອນມາເຕັມທີເລີຍລະ.

ພວກເຮົາ ຈະຮັບມື ກັບອາກາດໜາວ ແນວໃດ ? ເຄັດລັບ ເພື່ອຕໍ່ສູ້ກັບອາກາດໜາວ !

ກ່ອນອື່ນເຮົາມາທໍາຄວາມຮູ້ຈັກກັບບັນດາໂລກໄພໄຂເຈັບຕ່າງໆ ທີ່ມັກເກີດຂຶ້ນໃນຊ່ວງລະດູໜາວ, ຊຶ່ງໂລກທີ່ມັກເກີດຂຶ້ນເປັນປະຈໍາ ໃນຊ່ວງລະດູໜາວ ປະກອບມີ ໂລກໄຂຫວັດ, ໂລກປອດບວມ, ໄອ, ຈາມ, ເຈັບຫົວ, ແລະ ອື່ນໆ. 

ວິທີການງ່າຍໆ ໃນການເບິ່ງແຍງສຸຂະພາບ ໃນຊ່ວງລະດູໜາວ ສາມາດເຮັດໄດ້ດັ່ງຕໍ່ໄປນີ້: 

- ກະກຽມເສື້ອຜ້າ ແລະ ຜ້າຫົມກັນໜາວໃຫ້ພຽງພໍ ກັບສະມາຊິກ ໃນຄົວເຮືອນ
- ນຸ່ງເຄື່ອງໃຫ້ພຽງພໍ ແລະ ອົບອຸ່ນຢູ່ສະເໜີ ແລະ ດື່ມນໍ້າດື່ມອຸ່ນໆ
- ຮັກສາຄວາມອົບອຸ່ນໃຫ້ກັບຮ່າງກາຍ ດ້ວຍການອອກກໍາລັງກາຍ ຢ່າງໜ້ອຍ ມື້ລະ 15-30 ນາທິ, 3-4 ມື້ ຕໍ່ອາທິດ
- ຮັກສາຄວາມສະອາດ ຮ່າງກາຍ ແລະ ຊັກເຄື່ອງນຸ່ງຫົ່ມໃຫ້ເປັນປົກກະຕິ
- ທາໂລຊັນ ຮັກສາຜິວ ເພື່ອບໍ່ໃຫ້ຜິວແຫ້ງຈົນເກີນໄປ
- ເລືອກຮັບປະທານອາຫານ ທີ່ເປັນປະໂຫຍດໃຫ້ກັບຮ່າງກາຍ ແລະ ໃຫ້ພະລັງງານ ເຊັ່ນ ເນື້ອສັດ ໄຂ່ ແລະ ໝາກໄມ້
- ກະກຽມຢາຮັກສາໂລກ ທີ່ຈໍາເປັນ

ເນື່ອງຈາກໃນຊ່ວງອາກາດໜາວ ສະພາບອາກາດຈະແຫ້ງ ແລະ ມີລົມພັດແຮງ ຈຶ່ງ

ອາດກໍ່ໃຫ້ເກີດຄວາມສ່ຽງຫຼາຍຢ່າງຕາມມາ. ດັ່ງນັ້ນ ພວກເຮົາ ຕ້ອງເພີ່ມຄວາມ

ລະມັດລະວັງ ດັ່ງຕໍ່ໄປນີ້:

ດັບທູບທຽນ ໃຫ້ຮຽບຮ້ອຍ ພາຍຫຼັງບູຊາພະ ແລ້ວ

ປິດຟືນ ປິດໄຟ ເມື່ອບໍ່ໃຊ້ແລ້ວ

ບໍ່ຄວນຈູດຂີ້ເຫຍື້ອ ແລະ ຫຍ້າແຫ້ງ ໂດຍບໍ່ມີການເຝົ້າ

ບໍ່ຄວນນອນໃນລົດ ແລະ ຕິດຈັກລົດໄວ້ ເພາະອາດຈະກໍ່ໃຫ້ເກີດ ການຂາດອາກາດຫາຍໃຈ

ບໍ່ຄວນກໍ່ໄຟ ເພື່ອໃຫ້ຄວາມອົບອຸ່ນ ໃນເຂດທີ່ອາກາດ ບໍ່ໂລ່ງ ເພາະ ອາດເກີດການ

ປ່ອຍອາຍກ໊າກໂບນິກ ແລະ ຂາດອາກາດຫາຍໃຈໄດ້

loading...

ຂໍ້ຄິດການຫລິ້ນເຟສບຸກທີ່ພວກເຮົາຄວນຮູ້ ແລະ ເອົາໃຈໃສ່

1. ການຕໍານິສົ່ງຂ່າວ ແລະ ແລກປ່ຽນຄໍາຄິດຄໍາເຫັນເຊິ່ງກັນ ແລະ ກັນຜ່ານທາງເຟສບຸກນັ້ນບໍ່ຄວນໃຊ້ຄໍາຫຍາບຄາຍ, ແຂ່ງກະດ້າງ, ປ່ອຍດ່າກັນ ແລະ ວິພາກວິຈານກັນເພື່ອຫວັງໄດ້ໄຊຊະນະດ້ວຍວິທີຂົ່ມເຮັງຜູ້ອື່ນ ຫລື ເອົາລັດເອົາປຽບຄົນອື່ນແບບໄຮ້ເຫດຜົນໃນຄວາມເປັນມະນຸດ

2. ການເອົາຮູບຂຶ້ນເຟສບຸກມີທັງອັນດີ ແລະ ບໍ່ດີເປັນເງົາທຽມຄີງ ບາງຄັ້ງ ທ່ານຄິດວ່າດີ ຫລື ຖືກສໍາລັບຕົວທ່ານເອງ ແຕ່ທາງກົງກັນຂ້າມກັນ ເມື່ອມີສາຍຕານັບລ້ານໆຄົນທົ່ວໂລກເຫັນອາດຄິດແຕກຕ່າງທ່ານກໍເປັນໄດ້ ຍົກຕົວຢ່າງການກິນເຫລົ້າຊຸມແຊວ ແລະ ປະດັບປະດາເອ້ຮ່າງກາຍດ້ວຍເອົາສິ່ງມີຄ່າ ລວມທັງໃຊ້ເຄື່ອງແພງນັ້ນ ບາງຄັ້ງທັງໝົດເລົ່ານັ້ນອາດບອກເລື່ອງລາວ ແລະ ຄຸນລັກສະນະຂອງໂຕທ່ານເອງໂດຍບໍ່ມີໃຜບອກ ແຕ່ມັນຈະອະບາຍຄວາມໝາຍໃນໂຕມັນເອງໂດຍບັນຍາຍຄື:ຂີ້ເຫລົ້າ ຄົນຟູເຟືອຍ, ຂີ້ໂມ້ ແລະ ຂີ້ອວດ ນອກຈາກນັ້ນ ຄົນທີ່ມັກເອົາຮູບໂປ້ ຫລື ລາມົກຍິ່ງເຮັດໃຫ້ຄົນອື່ນໆຮູ້ນິໃສຕົນເອງຫລາຍຂຶ້ນຄື: ອາດເປັນລາມົກ, ເປັນປະສາດ ແລະ ມົ້ວກາມ….

3 .ການນໍາສະເໜີຂ່າວຜ່ານເຟສບຸກດ້ວຍວິທີເອົາເລື່ອງລາວ ແລະ ສິ່ງຕ່າງໆລົງເພື່ອຈຸດປະສົງຢຸຍົງສົ່ງເສີມໃຫ້ຄົນຜິດກັນ ຕີກັນ, ແບ່ງແຍກ ແລະ ບໍ່ເຂົ້າໃຈກັນເພື່ອເອົາຊະນະຕໍ່ຄວາມຮູ້ສຶກຕົນເອງໂດຍບໍ່ສົນໃຈຄວາມເດືອດຮ້ອນຄົນອື່ນຖືວ່າຄວນພິຈາລະນາ ແລະ ສຶກສາໃຫ້ຮອບຄອບກ່ອນຕັດສິນໃຈ ຖ້າພົບວ່າຜິດ ແລະ ຄັດກັບຜົນປະໂຫຍດສ່ວນລວມ ຫລື ບຸກຄົນທີ່ເປັນອັນຕະລາຍນັ້ນບໍ່ຄວນເອົາລົງເດັດຂາດ

4. ກ່ອນການເດີນທາງອອກນອກປະເທດບໍ່ຄວນສະແດງ ຫລື ລົງເລິກຈິດຈະກໍາຂອງຕົນຫລາຍເກີນໄປເປັນຕົ້ນໜັງສືເດີນທາງ, ຊີວະປະຫວັດ, ປີ້ເຮືອບິນ ແລະ ອື່ນໆທີ່ມີຄວາມສ່ຽງຈະຖືກຈົມຕີ, ກໍ່ການຮ້າຍ, ລັກພາໂຕ ແລະ ອື່ນໆ ເນື່ອງຈາກວ່າທຸກໆຂໍ້ມູນນັ້ນອາດເປັນຊ່ອງທາງເຮັດໃຫ້ກຸ່ມຄົນບໍ່ດີ ຫລື ກໍ່ການຮ້າຍສວມບົດບາດເອົາຂໍ້ມູນຂອງທ່ານໄປໃຊ້ກໍອາດເປັນໄດ້.

5. ຊົວໂມງເຮັດວຽກຮີບດ່ວນບໍ່ຄວນຫລິ້ນເຟສບຸກຫລາຍເກີນໄປຈົນເຖິງຂັ້ນເສຍວຽກເສຍງານ ຫລື ຕໍານິຈາກຄົນອື່ນໆ

11 ເຄັດລັບ ເຝິກສະຫມອງໃຫ້ຄວາມຈຳດີຂຶ້ນ

ດັ່ງທີ່ພວກເຮົາຮູ້ແລ້ວວ່າ: ຖ້າຄົນຜູ້ໃດທີ່ມີສະຫມອງດີສະຫລາດ ແລະ ຈື່ຈຳດີແລ້ວ ກໍມັກຈະໄດ້ປຽບຄົນອື່ນໆເກືອບວ່າທຸກເລື່ອງເລີຍ ແລະ ເມື່ອເປັນແນວນັ້ນ ພວກເຮົາກໍມາຮູ້ຈັກກັບເຄັບລັບທີ່ເຮັດໃຫ້ຄວາມຈຳຂອງເຮົາດີຂຶ້ນ ເຊິ່ງປະກອບມີ 11 ເຄັດລັບ ຄື:1. ຫາເວລາທີ່ເໝາະສົມທີ່ສຸດກັບການໃຊ້ຄວາມຄິດຂອງທ່ານໃນແຕ່ລະວັນ ແຕ່ລະຄົນ ແຕ່ລະໄວ ຈະມີໄລຍະເວລາ ສະໝອງຂອງຕົນສາມາດຈື່ຈຳໄດ້ເປັນພິເສດ ເຊັ່ນ: ຄົນມີອາຍຸແກ່ ສະໝອງຈະປອດໂປ່ງໃນຍາມເຊົ້າ ບັນດາໜຸ່ມໆ-ສາວໆ ສ່ວນຫຼລາຍແມ່ນຈະເປັນໄລຍະບ່າຍ ສະໝອງຈະມີປະສິດທິພາບໃນການຈື່ຈຳໄດ້ດີ ນອກນັ້ນຄວນຮູ້ສັງເກດເບິ່ງຕົວທ່ານເອງວ່າ: ການເຮັດວຽກຂອງສະໝອງທ່ານມີປະສິດທິພາບໃນຍາມໃດ ແລ້ວຈຶ່ງເອົາໄລຍະນັ້ນໄວ້ສຳລັບວຽກທີ່ຕ້ອງການຄວາມຄິດສ້າງສັນ ແລະ ໄດ້ໃຊ້ສະມາທິຫຼາຍ 2. ຕ້ອງສະແຫວງຫາຄວາມຮູ້ຢູ່ເລື້ອຍໆ ແລະ ຕ້ອງຮູ້ແບບກວ້າງ ບໍ່ຈຳເປັນຕ້ອງຈື່ເອົາຫມົດທຸກສິ່ງທຸກຢ່າງ ແລະ ຄວາມຮູ້ທີ່ສະສົມຈາກປະສົບການເກົ່າ ຈະຊ່ວຍຕໍ່ເຕີມຄວາມຮູ້ໃຫມ່ ເຊິ່ງເຮັດໃຫ້ເຮົາເຂົ້າໃຈໄດ້ງ່າຍຂຶ້ນ 3. "ຈົດໄວ້ເພື່ອຈື່ຈຳ" ເຄື່ອງຊ່ວຍຈຳທີ່ດີທີ່ສຸດກໍຄື ຈົດທຸກສິ່ງທຸກຢ່າງລົງໃນປຶ້ມບັນທຶກຂອງທ່ານເຊິ່ງເປັນວິທີກັນລືມດີທີ່ສຸດ ດັ່ງຄຳສຸພາສິດຈີນ ເຄີຍເວົ້າໄວ້ວ່າ "ເຖິງແມ່ນວ່າຢົດນ້ຳມຶກທີ່ຈາງທີ່ສຸດ ກໍຈະຢູ່ດົນກວ່າຄວາມຈຳທີ່ເຮົາຄິດວ່າຈື່ດີທີ່ສຸດແລ້ວ" 4. ເພີ່ມພະລັງກັບກາເຟແຕ່ພຽງຈອກດຽວກໍພໍ ເຊິ່ງຈະສາມາດຊ່ວຍໃຫ້ເຮົາມີສຳມະທິທີ່ດີຂຶ້ນມາ ແຕ່ຖ້າເວລາຮູ້ສຶກຫງຸດງິດ ທ່ານບໍ່ຄວນຈະດື່ມ ເພາະຈະເຮັດໃຫ້ເຮົາຍິ່ງເພີ່ມອາລົມຫງຸດງິດຕື່ມອີກ 5. ເຝິກໆ ...ແລ້ວກໍເຝິກ ໃຫ້ມີຄວາມຈື່ຈຳຢູ່ເລື້ອຍໆ ເຖິງອາຍຸຈະຍັງນ້ອຍຢູ່ກໍຕາມ ແຕ່ຖ້າບໍ່ເຄີຍຄິດທ່ອງຈຳເລີຍຈັກຫນ້ອຍ ຄວາມຈຳຂອງທ່ານກໍອາດຈະສູ້ຄົນແກ່ບໍ່ໄດ້ ສະນັ້ນ ການຮຽນເຝິກຄວາມຈຳແຕ່ເຍົາໄວ ຄວາມຈຳນັ້ນຈະເປັນຄວາມຈຳທີ່ແກ່ຍາວ6. ຄວນໃຫ້ເວລາສະຫມອງໄດ້ຮັບເອົາເລື່ອງຕະຫລົກ ຫລື ປ່ອຍໃຫ້ສະຫມອງຄິດໄປຕາມອາລົມ ເພື່ອເປັນການໃຫ້ເວລາສະຫມອງເຮົາໄດ້ພັກຜ່ອນ 7. ຕ້ອງເລືອກຄົບຄ້າສະມາຄົມກັບຫມູ່ຜູ້ທີ່ສະຫລາດ ມີຄວາມຄິດທີ່ກ້າວໄກ ດັ່ງຄຳບູຮານທີ່ກ່າວໄວ້ ວ່າ "ພົບຄົນດີມີສີແກ່ຕົວ ພົບຄົນຊົ່ວພາຕົວຫມົ່ນຫມອງ 8. ຄວນຟັງເພງເບົາກ່ອນນອນຈັກຫນຶ່ງຮອບ ຈະຊ່ວຍໃຫ້ຜ່ອນຄາຍຄວາມຄຽດ 9. ຫມັ່ນອອກກຳລັງກາຍຢ່າງສະໝ່ຳສະເໝີເພື່ອເພີ່ມອົກຊີເຈນ ຊິ່ງບໍ່ພຽງແຕ່ເຮັດໃຫ້ລະບົບຕ່າງໆຂອງຮ່າງກາຍໄດ້ດີຂຶ້ນ ແຕ່ຍັງໝາຍເຖິງສະໝອງກໍໄດ້ຮັບອົກຊີເຈນຫຼາຍຂຶ້ນຕື່ມອີກ 10.ລອງເຮັດແຕ່ສິ່ງໃໝ່ໆຈະໄດ້ມີແນວຄິດທີ່ແປກໃໝ່ຢູ່ສະເໝີ 11. ຕັດເລື່ອງທີ່ລົບກວນສະມາທິທັງໝົດ ແລ້ວຂຶ້ນປ້າຍ "ບໍ່ຕ້ອງມາລົບກວນ" ຕິດໄວ້ຂ້າງໆຕົວເຮົາສະເໝີ ໃນເວລາວຽກທີ່ຕ້ອງການໃຊ້ສະມາທິສູງ ຫຼື ອາດຈະມອດໂທລະສັບໄວ້ກ່ອນກໍຍິ່ງເປັນການດີ.ນີ້ກໍຄື 11 ເຄັດລັບເຝິກສະໝອງໃຫ້ຄວາມຈຳດີຂຶ້ນ ຫວັງວ່າທ່ານຜູ້ອ່ານທັງຫຼາຍ ຄົງຈະນຳໄປປະຕິບັດລອງເບິ່ງເຖິງວ່າຈະປະຕິບັດບໍ່ໄດ້ໝົດທຸກຂໍ້ກໍຕາມ ມັນກໍອາດຊ່ວຍໃຫ້ທ່ານສາມາດຈື່ຈຳສິ່ງຕ່າງໆໄດ້ດີຂຶ້ນຕື່ມອີກ. 

x